Tanging Sekreto: Wikang Filipino

Laman ng puso't isipan, itoy ipaglaban!

Noong panahon ng espanyol, ang ating mga kababayang pilipino, pati narin ang ating mga bayani, ay ginagawa ang lahat upang mailigtas at mailaya ang ating munting ibong ikinulong sa kanilang mga kamay. Ngunit may isang bayaning nakaisip ng napakagandang paraan. Ginamit niya ang kanyang pluma at kaisipan sa paglaban. Sumulat sya ng mga tulang sumisira sa reputasyon ng mga Espanyol. Ngunit ang kanyang mga gawa ang nadiskubre ng mga Espanyol. Siya ay itinapon at tinapos ang kanyang buhay.

Ngunit hindi dito nagtapos ang lahat. Lumaban ang mga natirang bayani. at nagtagumpay. Hanggang ngayon ang sikreto ay nakatanim sa kanilang mga puso. Sa puso ng ating mga bayani. Ang katangitanging sekretong ito ay ang paggamit ng wikang Filipino.

Ating isiping mabuti. Kung linguaheng Espanyol ang kanilang ginamit, hindi ba malalaman ng mga Espanyol ang kanilang plano?

Sa lahat ng mga laban, at mga paghihirap na kanilang nakaharap, wikang FILIPINO ang kanilang natatanging sekretong mga Pilipino lamang ang nakakaalam.

This is an entry to the Buwan ng Wika 2011 Blog Writing Contest sponsored by the Alabel National Science High School-SAKAFIL and The Teacher’s Notebook

Kundiman

Kundiman

Dr. Jose Rizal
Tunay ngayong umid yaring dila't puso
Sinta'y umiilag, tuwa'y lumalayo,
Bayan palibhasa'y lupig at sumuko
Sa kapabayaan ng nagturong puno.

Datapuwa't muling sisikat ang araw,
Pilit maliligtas ang inaping bayan,
Magbabalik mandin at muling iiral
Ang ngalang Tagalog sa sandaigdigan.

Ibubuhos namin ang dugo't babaha
Matubos nga lamang ang sa amang lupa
Habang di ninilang panahong tadhana,
Sinta'y tatahimik, iidlip ang nasa.

Tuwid na Landas, Ating Ipamalas

Pangongorakot, gawaing di makakalimutan

Nakatatak na sa puso't isipan nating mga Pilipino ang tungkol sa pangongorakot sa ating gobyerno. Ngunit bakit ba ito lang palagi ang ating napapansin? Bakit binabalewala lamang natin ang mga mabuting ginawa ng ating mga pangulo at ibang mga tao sa gobyerno?

Ngunit sa bagong administrasyon, pinapairal na ang mga tamang proceso. Kaya ngayon, unti-unti nang bumababa ang kaso ng pangongorakot. Sa tingin ko naman ay ang hindi pagtangkilik sa mga sariling atin ay isa ding porma ng pangongorakot. Di natin ipinagmamalaki ang atin at sa kabilang dako naman ay yumayaman ay umuunlad ang iba. DAPAT na nating simulan ang pagtangkilik sa sariling atin lalo sa sa sarili nating wika. kahit nga si P-Noy, kahit na ang kanyang SONA ay sa Ingles, sa halip, ginamit nya ang arili nating wika.

This is an entry to the Buwan ng Wika 2011 Blog Writing Contest sponsored by the Alabel National Science High School-SAKAFIL and The Teacher’s Notebook

Wika

Napakahalaga ng ating wikang Pilipino sa lahat ng aspeto. Sa pakikipag-ugnayan, pagbabalita, at lalo na sa ating batas.

Kahit na ating makikita na Ingles ang paminsang ginagamit sa mga karatulang nakabadera sa paligid, atin namang intindihin ang kanilang layunin. Ito ay kanilang sinadya upang maintindihan ng lahat ang kanilang gustong at alam naman natin na hindi lang mga Pilipino ang nandito at namumuhay sa Pilipinas.

Ngunit di nila napapansin na unti-unti na pala nilang kinikitil ang pagka-Pilipino ng kanilang mga anak. Kaya ang hinihiling ko ay dapat nating gamitin ang sariling atin. Di lamang sarili nating produkto ngunit pati narin ang ating Wika. Sa ating paggamit sa sarili nating wika ay unti-unti na nating binubuhay ang ating pagka-Pilipino.

Mabuhay ang Pilipino! Buhayin ang pagka-Pilipino!

This is an entry to the Buwan ng Wika 2011 Blog Writing Contest sponsored by the Alabel National Science High School-SAKAFIL and The Teacher’s Notebook

Ang Damdamin ng Wikang Pilipino

Ano ba itong aking naririnig?
Mga tao sa aking paligid,
Pusot' isip, Ingles ang hilig.
Puot' galit, sa puso ko'y batid.

Sa ngayon ako'y parang basahan,
Basurang di napapakinabangan,
Palagi lang tinatapaktapakan,
Di pinapansin ang nararamdaman.

Sana ako'y maging bomba sa tabi,
Upang sarili ko'y  mapaghiganti.

Ako sana'y inyong ipagmalaki,

Ako'y ibukambibig palagi.

Kung dati tayo ay mga talunan, 

Bukas ay maging maunlad na bayan.

Mga kaalama'y ipamahagi,
Magtulungan! Bayan at 'yong sarili.
      This is an entry to the Buwan ng Wika 2011 Blog Writing Contest sponsored by the Alabel National Science High School-SAKAFIL and The Teacher’s Notebook

Wikang Filipino: Ating Pagyamanin

"Ang hindi marunong magmahal sa sariling wika ay higit pa ang amoy sa mabahong isda".
     Ngayong Agosto, ang bawat paaralan ay nagdiriwang ng "Buwan ng Wika". Ngunit marami paring nagsasalita sa kanilang sariling linguahe lalo na sa paaralan. Maraming nagsasalita ng Cebuano. Ngunit nung inisip kong mabuti kung bakit ganito ang nangyayari, naisip ko na ang Cebuano naman ang sarili nilang wika. Baka sinusunod lamang nila ang sinabi ni Dr. Jose P. Rizal.
     Ngunit ngayong buwan na ito, tayo'y hinihikayat na mahalin at gamitin ang wikang Filipino sa pakikipagusap sa kapwa natin istudyante, mga guro at sa lahat ng taong makakausap natin. Dahil ang Wikang Filipino ay ang pangunahing linguahe ng mga pinoy.
     Dapat nating mahalin ang wikang Filipino dahil ito ay ang ginamit ng ating mga bayani upang mailahad ang kanilang mga damdamin sa paraang hindi malalaman ng mga Espanyol, Intsik, Chino at mga Amerikano. Kaya hinihikayat ko kayo, aking mga kamag-aral, kaibigan at mga kababayan, kung maaari ay gamitin natin ang ating wika. Ang wikang Filipino
     Kalimutan muna natin at ipagsangtabi ang wikang Cebuano at Ingles at umpisahang makipagugnayan sa isa't-isa sa sarili nating wika; Ang Wikang Filipino.
     This is an entry to the Buwan ng Wika 2011 Blog Writing Contest sponsored by the Alabel National Science High School-SAKAFIL and The Teacher’s Notebook